new-top-banner-english

Week 8

Laai Boodskap hier af: 

Jou Maker is jou Man.pdf

 

Weekly Boodskap:

Uittreksel van Pastoor Neser se preek: B698

Skriflesing uit Jesaja 54:1-17

 

Kernvers 11: ‘Jy ellendige, deur storm gejaagde, ongetrooste! Kyk, Ek lê jou stene in sierklei, en Ek grondves jou in saffiere.’

Die opskrif van hierdie gedeelte in die Bybel is: ‘Die toekoms van Sion’. Dit simboliseerm Israel.

Wanneer ʼn mens die Bybel lees dan sien jy dat dit met ʼn huwelik begin toe God vir Adam gesê het: dit is nie goed vir die mens om alleen te lewe nie en Hy het vir Eva geskape. Dit was egter nie lank nie of die mens het gesondig en het die hele natuur met hom saam afgetrek.

 Hierdie dispensasie eindig egter weer met ʼn huwelik, en hierdie keer gaan dit nie misluk nie. In Jesaja 54 lees ons van ʼn huwelik – die huwelik wat God met Israel op die berg Sion voltrek het. Vir hierdie volk wat so swaargekry het en so bitterlik moes ly a.g.v. haar sondes, sê die Here: ‘…jy sal die skande van jou jonkheid vergeet en aan die smaad van jou weduweeskap nie meer dink nie. Want jou Maker is jou Man; Here van die leërskare is Sy Naam; en die Heilige van Israel is jou Verlosser. Hy sal die God van die hele aarde genoem word’ (vers 4-5).

Die Here roep na Israel om terug te keer na Sy Woord – en hoedat Hy die aarde gaan kom herstel. Dat Hy sy Raadsplan sal uitvoer en nie een jota of tittel daarvan sal verbygaan sonder dat dit uitgevoer sal word nie.

Vir ons as individu het God ook ʼn Raadsplan – soms moet ons  langs die ompaaie van die lewe gaan totdat ons ʼn ontmoeting met God beleef…ons kom ook by ons ‘Mara’ (ons bitter waters). Tog het God ʼn einddoel met ons in gedagte! God het ons geskape om saam met Hom te heers.

Op Sion het God met Israel in die huwelik getree in Majesteit en sy het God se bruid geword – Israel het koninklike waardigheid bekom totdat sy afvallig geword het, maar in Sy groot genade het God haar nie geheel en al weggegooi nie…Hy het mens kom word en vir haar sondes gesterf sodat Hy weer met haar in die huwelik sal tree….  

 

  

Video Files:

Daily Quotes

Joh 1:14 And the Word was made flesh, and dwelt among us, (and we beheld his glory, the glory as of the only begotten of the Father,) full of grace and truth.

MiniCalendar

May 2016
MTWTFSS
1
2345678
9101112131415
16171819202122
23242526272829
3031

Vinaora Visitors Counter

137785
This_MonthThis_Month1970
All daysAll days137785